Sunday, May 6, 2012

បក្ស​ពួក​កូន​កំលោះ​កូន​ក្រមុំ​​បើក​ការ​វាយ​ប្រហារ​ក្នុង​ពិធីមង្គល​ការ​ធ្វើ​ឱ្យ​​ខក​ខាន​រាត្រី​ទឹក​ឃ្មុំ​

ថ្ងៃអាទិត្យ ទី៦ ខែឧសភា ឆ្នាំ២០១២ ម៉ោង ១៧:២៣

ទិដ្ឋភាព​នៅ​​កន្លែងកើតហេតុ​

ទិដ្ឋភាព​នៅ​​កន្លែងកើតហេតុ​



 ខេត្ត​សៀមរាប ៖ អំពើហិង្សា​ប្រដាប់​ដោយ​ដំបងនិងដុំថ្ម​នៅក្នុងពិធីរាំធុងបាស​មង្គល​ការ​មួយ​ បានធ្វើឲ្យបក្ស​ពួកខាងកូនក្រមុំរបួសធ្ងន់ និង​ស្រាល​៧នាក់ ចំណែក​កូន​កម្លោះ និងបក្ស​ពួក​ដែល​មានការអះអាងថា ជាអ្នក​បង្កហេតុបាន​​ដាក់មេផាយទាំងយប់​ធ្វើឲ្យកូនកម្លោះ​ខក​ខាន​ រាត្រីទឹកឃ្មុំ។
ហេតុការណ៍ដែលកម្រឃើញនេះបាន​កើត​ឡើងកាលពីរសៀល​ថ្ងៃទី៤ ឧសភា ២០១២ ស្ថិត​​ក្នុងភូមិព្រះដាក់ ឃុំព្រះដាក់ ស្រុក​បន្ទាយ​ស្រី ខេត្តសៀមរាប។ លោកអនុ​សេនីយ៍​ទោ ឡុច សាន ​នាយ​ប៉ុស្តិ៍​​រដ្ឋ​បាល​ឃុំ​ព្រះ​ដាក់​បាន​ប្រាប់​តាម​​ទូរស័ព្ទថា អំពើហិង្សានេះ​បង្កឡើងដោយ​បក្ស​​ពួក​ខាងកូនកំលោះខឹងសម្បា​ជាមួយ​ម្តាយ​កូន​​ ក្រមុំ​ក្នុងរឿងបិទធុងបាស ខណៈភាគីកូន​កំលោះ​កំពុងស្រវឹងជោកជាំហើយរាំលេង​យ៉ាង​សប្បាយ​​ បន្ទាប់ពីពិធីមង្គលការ​បានបញ្ចប់ទៅ រួចបង្កជា​អំពើ​ហិង្សា​ដេញ​វាយ​គ្នា​ប្រដាប់ដោយ​ដំបង និងដុំថ្មរវាងបក្សពួកមេបា​ទាំងសងខាង បណ្តាលឲ្យបក្សពួកខាងកូនក្រមុំ​របួសធ្ងន់ និង​ស្រាល៧នាក់ ខ្លះបែកក្បាល​ខ្លះ​បាក់ដៃ និងខ្លះ​ទៀត​បាក់​ឆ្អឹងដងកាំបិតផងដែរ។
ព័ត៌​មាន​លំអិត​នឹ​ង​​ផ្សាយជូន​នៅពេល​ក្រោយ ​នៅ​លើ​ទំព័រកាសែតកោះ​​​សន្តិ​​ភាព និង​​នៅ​​តាម​វិទ្យុ​សំឡេង​កោះ​សន្តិ​ភាព FM 87.75 រាជធានី​ភ្នំពេញ, FM 87.5 ខេត្តបាត់ដំបង៕

តុលាការ​ដោះ​លែង​ភរិយា​​គ្រូបង្រៀន​​កុំព្យូទ័រ​ឱ្យ​នៅ​ក្រៅ​ឃុំ​​ ព្រោះ​មាន​ផ្ទៃ​ពោះ​ជិត​គ្រប់​​ខែ ឯ​ប្តី​ឃុំខ្លួន​បន្ត

ថ្ងៃអាទិត្យ ទី៦ ខែឧសភា ឆ្នាំ២០១២ ម៉ោង ១៧:២០

ប្រពន្ធ​ជន​​ជាន់​ចោទ​​​ដែល​ឱ្យ​នៅ​ក្រៅ ព្រោះ​​មាន​​ផ្ទៃ​ពោះ​

ប្រពន្ធ​ជន​​ជាន់​ចោទ​​​ដែល​ឱ្យ​នៅ​ក្រៅ ព្រោះ​​មាន​​ផ្ទៃ​ពោះ​
ទំព័រ ព្រឹត្ដិការ​ណ៏​សង្គម

  ខេត្ត​​បាត់ដំបង​ ៖ សមត្ថកិច្ចជំនាញបានឲ្យ​ដឹង​ថា តុលាការបានសម្រេច​ដោះលែងភរិយា​នាយក​សាលាបង្រៀនកុំព្យូទ័រ «អ៊ីស៊ីអ៊ី» ឲ្យនៅ​ក្រៅឃុំជា​បណ្ដោះ​អាសន្ន​កាល​ពី​ព្រឹកថ្ងៃទី៥ ឧសភា ដោយយល់ថា នាងមានផ្ទៃពោះជិតគ្រប់​ខែបន្ទាប់ពីបញ្ជូនទៅឃុំខ្លួន​បណ្ដោះ​អាសន្ន​ក្នុង​ ពន្ធនាគារជាមួយស្វាមីអស់​រយៈពេលមួយយប់។
ជនសង្ស័យឈ្មោះខៀវ ដារ៉ារ័ត្ន អាយុ២៦​ឆ្នាំ ជានាយកសាលាបង្រៀនកុំព្យូទ័រ «អ៊ីស៊ីអ៊ី» និង​ភរិយាឈ្មោះសេង និមល អាយុ២៤ឆ្នាំ ​ត្រូវ​តំណាង​អាយ្យ​ការ​ចោទ​ប្រកាន់​ពីបទសម​គំនិត​ ក្នុងការបង្ខំសិស្សស្រីចំនួន៤នាក់​ឱ្យ​ប្រព្រឹត្ត​អំពើ​អាស​ អាភាសនៅក្នុងបន្ទប់ទឹកមុនពេលចូល​រៀន​ដំបូង ហើយត្រូវតុលាការសម្រេចឃុំខ្លួនប្ដី-ប្រពន្ធនេះជា​មួយ​គ្នាកាលពីរសៀលថ្ងៃទី៤ ឧសភា។
កោះសន្តិភាពមិនអាចសុំការបំភ្លឺបន្ថែមបានទេ ជុំវិញសំណុំរឿងនេះពីមន្រ្តីតុលាការកាលពីថ្ងៃ​អាទិត្យ។ ប៉ុន្តែមន្រ្តីនគរបាលជំនាញបានប្រាប់​នៅថ្ងៃទី៦ ឧសភា នេះថា តុលាការបានសម្រេច​ដោះលេងស្រ្តីជាប្រពន្ធឲ្យនៅក្រៅឃុំបណ្ដោះ​អាសន្ន ដោយយល់ថា នាងមានផ្ទៃពោះជិត​គ្រប់​ខែ​ឆ្លងទន្លេ រីឯបុរសជាប្ដីត្រូវជាប់ឃុំបន្ត ដើម្បី​បើក​ការស៊ើបអង្កេត។
ព័ត៌​មាន​លំអិត​នឹ​ង​​ផ្សាយជូន​នៅពេល​ក្រោយ ​នៅ​លើ​ទំព័រកាសែតកោះ​​​សន្តិ​​ភាព និង​​នៅ​​តាម​វិទ្យុ​សំឡេង​កោះ​សន្តិ​ភាព FM 87.75 រាជធានី​ភ្នំពេញ, FM 87.5 ខេត្តបាត់ដំបង៕

ស្នេហា​ស្ទើរ​ភ្លើង​នាំគ្នា​​ដើរ​លេង​រួច​ល្បួង​​ចាប់រំលោភ​

ថ្ងៃអាទិត្យ ទី៦ ខែឧសភា ឆ្នាំ២០១២ ម៉ោង ១៧:១៨


  ខេត្ត​កំពត​ ៖ ​ករណី​ចាប់រំលោភ​សេព​ស​ន្ថវៈ​​មួយ​បាន​កើតឡើង​​រវាង​យុវជន​ និងយុវតី​​ពីរនាក់​​ដែល​មាន​វ័យ​​ស្ថិត​ក្នុងអនីតិ​ជន​ដូចគ្នា ដោយ​ភាគី​​ខាង​ស្រី​ជា​សិស្ស​សាលា​អាយុ​ទើប​តែ​​១២​ឆ្នាំ រីឯ​ភាគីខាងប្រុស​អាយុ​​ទើបតែ១៧​ឆ្នាំ​ អ្នក​ទាំងពីរ​​រស់នៅ​ភូមិ-សង្កាត់​ជា​មួយ​គ្នា​ ។
ប្រភពពី​ប្រជា​ពលរដ្ឋបាន​ឱ្យ​ដឹងថា ​នៅ​វេលាម៉ោង​​៦​និង៣០នាទី​ព្រឹក​ថ្ងៃទី​​៥ ឧសភា ​២០១២ ​អ្នក​ទាំងពីរ​​បាន​នាំគ្នា​ដើរ​លេងតែពីរ​នាក់​​នៅ​ចំណុច​​​អតីត​​រ៉ូតុង​​ ផ្លូវ​​ឡើង​ទៅសំណាក់​​ចាស់​លើ​ភ្នំ ស្ថិត​ក្នុង​សង្កាត់​ព្រៃធំ ​ក្រុង​កែប។ ​ដោយ​ឃើញ​ឱកាស​​ស្ងាត់​ភាគីខាង​យុវជន​​ក៏​ចាប់​រំលោភសេព​សន្ថវៈ​​លើ​យុវ​តី​ នេះ​តែម្តង​ទៅ។ ប្រភព​បន្តថា ​បន្ទាប់មកយុវតីរូប​​នោះក៏ប្រាប់​​រឿង​រ៉ាវដល​់​ម្តាយ​របស់​នាង ទើប​ស្ត្រីជា​​ម្តាយ​​​​ទៅ​ប្តឹង​​នគរ​បាល​​ឱ្យ​ជួយ​​ចាត់​ការ​តាម​ ផ្លូវច្បាប់​​តែ​ជន​​ជន​សង្ស័យ​បាន​គេច​ខ្លួ​នបាត់ ។ មន្ត្រី​ប៉ូលិស​​ឱ្យ​​ដឹងថា ​ជន​សង្ស័យ​​ឈ្មោះ​អន វិតឹង អាយុ​១៧ឆ្នាំ ​​រស់នៅភូមិ​​-សង្កាត់​ជាមួយ​កុមារី​រងគ្រោះ​ដែរ ។ លោកបន្តថា ដោយ​សារ​ជន​សង្ស័យ​​​ដឹង​ខ្លួន​​មុន​ក៏​រត់​គេច​ខ្លួន​បាត់​តែ​ម្តង។
ព័ត៌​មាន​លំអិត​នឹ​ង​​ផ្សាយជូន​នៅពេល​ក្រោយ ​នៅ​លើ​ទំព័រកាសែតកោះ​​​សន្តិ​​ភាព និង​​នៅ​​តាម​វិទ្យុ​សំឡេង​កោះ​សន្តិ​ភាព FM 87.75 រាជធានី​ភ្នំពេញ, FM 87.5 ខេត្តបាត់ដំបង៕

អ្នក​រុញ​រទេះ​​លក់​សាច់​ក្រក​ យីហឺ ​ងៀត​បបែល ​ត្រូវក្មេង​អនាថា​​ដេក​តាម​របង​​ស្តាត​គប់​ដុំថ្ម និង​ដេញវាយ​ដោយសារ​តែ​ខឹង​រឿង​សុំ​ស៊ី​មិន​ឱ្យ​

ថ្ងៃអាទិត្យ ទី៦ ខែឧសភា ឆ្នាំ២០១២ ម៉ោង ១៧:០៩

ទិដ្ឋភាព​នៅ​កន្លែងកើតហេតុ​

ទិដ្ឋភាព​នៅ​កន្លែងកើតហេតុ​
ទំព័រ សន្ដិសុខ​សង្គម

រាជធានីភ្នំពេញ ៖ ​កាលពី​វេលា​ម៉ោង​​២​និង​៤៥​នាទីរំលងអធ្រាត្រ​ឈានចូល​ថ្ងៃទី​៥ ឧសភា ​មាន​ភាពអនាធិបតេយ្យ​បង្ក​​ឱ្យ​រញ៉េ​រញ៉ៃ​នៅតាម​ដង​ផ្លូវ​​កើតឡើង​ដោយ​សារ​ ការ​ដេញ​គប់​គ្នា​នឹង​ដុំ​ថ្ម​​​​ជ្រុះ​រាយ​ពេញ​ផ្លូវ​រវាង​ក្មេង​​អនាថា​ ដេក​តាម​ចិញ្ចើម​ផ្លូវ និង​អ្នក​រុញ​រទេះលក់សាច់​ក្រក​គោ​ យីហឺ ​​ងៀត​បបែល ។ ​ហេតុការណ៍​នេះ​​កើត​ឡើង​នៅជាប់​របង​ពហុ​កីឡា​ដ្ឋាន​​ជាតិ​​អូឡាំពិក​ ​តាម​បណ្តោយ​​វិថី​ព្រះ​សីហនុ ស្ថិត​ក្នុងខណ្ឌ​៧មករា ។
បើ​តាម​​ជន​រងគ្រោះ​ឈ្មោះ​​ផុន សំណាង ភេទប្រុស អាយុ​​២៤​ឆ្នាំ ​ជាអ្នក​រុញ​​រទេះ​លក់​សាច់​ក្រក​គោ យីហឺ ​ងៀត​បបែល ​ស្នាក់​នៅ​​សង្កាត់​បឹង​​សាឡាង ខណ្ឌទួល​គោក មាន​ស្រុក​កំណើត​នៅភូមិ​​ព្រែក​គាប ឃុំ​ព្រែក​អន្ទះ ​ស្រុក​កំពង់់​លាវ ខេត្តព្រៃវែង បាន​ឱ្យ​ដឹងថា ជារៀង​រាល់​​យប់​​ពេល​ដែល​ខ្លួន​ និង​ប្អូនៗ​ត្រឡប់​មក​ពី​ដើរ​លក់​វិញ​តែង​តែ​​រុញរទេះឆ្លងកាត់​កន្លែងកើត​ ហេតុ​ខាងលើ ដែល​មាន​យុវជន​មួយ​ក្រុម​​ដេក​នៅជាប់​នឹង​របង​ពហុ​កីឡា​ដ្ឋាន​ជាតិ​អូឡាំពិក ។ ជារឿយៗ​ក្មេង​អនាថា​ទាំងនោះ​តែងតែ​សុំទឹក​របស់​គាត់​ផឹក និង​សុំ​សាច់​ក្រក​ហូប ។
ព័ត៌​មាន​លំអិត​នឹ​ង​​ផ្សាយជូន​នៅពេល​ក្រោយ ​នៅ​លើ​ទំព័រកាសែតកោះ​​​សន្តិ​​ភាព និង​​នៅ​​តាម​វិទ្យុ​សំឡេង​កោះ​សន្តិ​ភាព FM 87.75 រាជធានី​ភ្នំពេញ, FM 87.5 ខេត្តបាត់ដំបង៕
Twitter Delicious Facebook Digg Stumbleupon Favorites More

 
Design by Free WordPress Themes | Bloggerized by Lasantha - Premium Blogger Themes | Affiliate Network Reviews